Frysk wurdboek. Nederlânsk-Frysk.

Boalsert: A.J. Osinga, 1952. — 400 s.Dit wurk is net it earste Nederlansk-Fryske wurdboek. Yn 1918 kaem by A. J. Osinga to Snits it "Nederlandsch-Friesch Woordenboek" fan Dr G. A. Wumkes en A. de Vries ut. Us wurdboek stiet dêr alhiel los fan, it is skreaun ut it apparaet foar in great Frysk wurdboek fan de Fryske Akademy.
Dit boek forskynt yn de rige, der't it "Lyts Frysk Wurdboek" I, Frysk-Nederlansk, twadde printinge, Boalsert 1944, it earste diel fan utmakket. Wy hawwe ornearre, de narome fan dizze rige foroarje to moatten. De oantsjutting "lyts" is net mear op syn plak, nou't de dielen njonkelytsen utdije ta hanwurdboeken. Faeks kin de titel "Lyts Frysk Wurdboek" skielk tsjinje foar in bihindich skoalwurdboekje, as fan de utjefte fan 1944 strak in nije, wer oanfolle printinge komt.
Dit is it earste wurdboek, hwerby foar it Frysk de forienfàldige stavering brûkt is, dy't hjerst 1945 troch in kommisje fan de Fryske Akademy ûntwurpen is en sûnt algemien yngong foun hat.
De fûgelnammen yn dizze utjefte binne neffens "Aves Frisicae", 1928, fan Tsj. Gs. de Vries en de hànskriftlike oanfollingen dêrop, dy't de skriuwer us biskikt hat. By de plantenammen stiet dyselde namme, dy't Franke en Van der Ploeg yn har "List fan offisiële Fryske plantenammen", 1951, foar kar nommen hawwe, foarop, mar der wurde ek oare folksnammen jown. De frjemde wurden, dy't opnommen binne, binne yn har stavering oanpast oan de nije regeling.
In wurdboek as ditte, dat makke is foar praktysk gebrûk, bifettet ut soarte net de hiele rykdom fan it Frysk. Mei it each op it forlet datoangeande is de romte fan fakwurden opnommen, net to min ut it boerebidriuw. It hoecht net tenris sein to wurden, dat men de wurdfoarrie ut dit boek net sûnder it Frysk to kennep en inkeld tige mei sin hantearje moat.