Praat oor Depressie

Depressievegters en mense wat depressievegters ken, moet weet waaroor die toestand gaan. Johan Laten gebruik sy eie ervaring van die siekte om ouers en onderwysers te laat verstaan wat depressie behels – die simptome, oorsake en behandeling.
Die behandeling van depressie is ’n spanpoging met God as bron van krag en hoop, professionele beraders, medikasie, leiding deur ouers en onderwysers – en natuurlik die depressievegter self.
“Die moderne samelewing worstel om gemoedsiektes soos depressie baas te raak. Johan se selfhelpgids bied ’n maklike leeservaring vir die leek, en gee die korrekte inligting en leiding sonder om in mediese terme verstrengel te raak.” –Dr. Piet Oosthuizen, psigiater
Die Práát oor depressie-pakket bied jou...
 ’n Selfhelpgids vir ouers en onderwysers
Alles wat jy moet weet om die siekte te verstaan. Kwessies wat saam met depressie voorkom, naamlik angs, selfbesering, selfdood en boelies, word eerlik en reguit bespreek.
Die gids bevat ook stap-vir-stap-begeleiding oor hoe om die hulpverlener vir ’n depressievegter te wees.
 ’n Selfdoenboek vir depressievegters
Die depressievegter word aangemoedig om dinge te begin doen. Die stap-vir-stap-benadering en vordering teen eie pas maak dit maklik om na elke volgende fase te beweeg.